سلمان عز الوطن والعز سلماني

والله يعز الوطن في ظل أخو نوره

القائد اللي عظيم الصيت والشاني

بكتاب ربي حكم أمره ودستوره

ولي عهده سليل المجد والباني

ماخذ من معزيٍّ الفعل والصوره

رؤية وطن تزيّن الدوله بالألواني

هذا محمد وهذا الفكر وبحوره

ويا خصمنا اللي بدا بالشر عدواني

زلّتك ضد الوطن ماهي بمغفوره

يا خصمنا الجاهل ويا خصمنا الجاني

ارحب تقهوى دلال الموت مبهوره

واللي يعادي وطننا يقعد يعاني

شفها جيوشٍ علينا صدق مقهوره

كم خصم حاقد يجي ويروح ندماني

يروح خشمه بالأرض وعين مكسوره

شعبٍ سعودي عظيم الباس شجعاني

مواقفٍ باقية بالوقت مذكوره

** **

- سلطان بن عبدالعزيز الدخيل