تذكريني كل ما حل طرياي

لا وحسايف كان ما تذكريني

ان جيتك ذنوبي تعج بخطاياي

تلمسي عذر الخوي واعذريني

انا على عهدي ورشدي ومبداي

ما بدلتني مبطيات السنيني

كاس الوفا الفايز رفعته بيمناي

الكاس كاسي والموجب يميني

ودّعتك اجدادي وحللتك صباي

واسقيتك ان طاف العرق في جبيني

وعلّمتك أن المرجلة حد شلفاي

وصهيل شقراي الاصيل وهجيني

انا منافي عزتك دونك ادماي

وعلى جحيم اعداي لوتسكبيني

عشقك بروحي شاربٍ شرب بعضاي

احنّ لك واللي فضحني حنيني

يافجري الضاحك ومرباع دنياي

ياسهولي الخضرا ويارافديني

جيتك بشوقٍ جرن اقصاي وادناي

حتى على شوكك تشابك يديني

** **

- طلاع متعب العمودي