‏اللي يميزك مالك في عيوني شبيه

تكذب عليّه واصدق كذبتك من غلاك

اجيك عندي كلامٍ قبل اجي منتفيه

واردده قبل ساعة من لقاي ولقاك

واغص وآكل كلامي قبل اعلمك فيه

أخاف أصبت بغبى وأنا اتغابى معاك

ابطيت واأا اتغابى لك وأشوفك نبيه

غباك فطري أو أنت اللي تصنع غباك

نسيت لا ما أدري لا ما أقولها لك وليه

كل الكلام يتبرمج (أيه) يتبع رضاك

تغرق عيونك كلامي في بحرها ويتيه

يا كثر ما شفت قبلك من جمال الملاك

ما كنت أظن أن هذا الكون يكون فيه

جمال غيره قبل ما تشرقين بسماك

ويذوب مثل الملح بالما تحت ويغطييه

هواك غربي على شرقي ونجدي صباك

متى سحابك يرش ابطيت وأنا احتريه

أمطر علي هنا وهناك أنا اسقي ضماك

** **

- سعود عبدالله المبيريك