الموضوعات الأكثر
قلنا نمر الدار ونشوف الآثار
هذا مكان أمي وهذي حجرها
ما باقي إلا ساسها كلش إنهار
وأطلالها تبكي على اللي عمرها
يا شين شوف الدار من عقب الأخيار
يا شين شوف الدار ضاعت دررها
يا دار لي بك مستقرٍ ومعبار
يوم إن نبع الحب يسقي شجرها
أمي تعشي الضيف و تكرم الجار
ماتت وهي ما أحدٍ بسية ذكرها
تحفظ كتاب الله وله علم وأخبار
و على طريق الخير ربي ومرها
أمي حنونة طيبة بنت الأخيار
معروفةٍ بالخير كلٍ خبرها
أمي حنانه لو يوزع بالأقطار
كفى بهايمها وكفى بشرها
أمي حنانه مثل زخات الأمطار
ومحاسن أمي عاد ما أقوى أحصرها
حزني على أمي مثل بركان لا ثار
يقذف حمم من فوق كبدي صهرها
وحزني على أمي مثل موج بالأبحار
قام يتصافق و المراكب دمرها
و حزني على أمي دون قيسٍ ومقدار
لو هو على قاسي صخور نثرها
يا الله عسى قبره بساتين و أنهار
و على الصراط تمر لمحة بصرها
و يا عل جسمه ما يجي واهج النار
في وسط جناتٍ تدلى ثمرها
** **
العامرية (أم محمد) - الرس