مرثية في صاحبة السمو الأميرة الجوهرة بنت عبدالعزيز بن مساعد بن جلوي (رحمها الله) والدة صاحب السمو الملكي الأمير سعود بن نايف بن عبدالعزيز وصاحب السمو الملكي الأمير محمد بن نايف بن عبدالعزيز، وصاحبة السمو الملكي الأميرة نورة بنت نايف بن عبدالعزيز وصاحبة السمو الملكي الأميرة سارة بنت نايف بن عبدالعزيز.

الله يرحمك يا أم سعود

يالله عسى الخلد مثواها

تنعم ابلذاتها وامهود

إبفردوسها وأقدس أعلاها

عاشت ابكل الفخر والجود

وكل الحسنات مسعاها

وتواضعٍ مادخله الزود

العطف واللطف مبداها

ما ترجي المدح والمردود

إلخالق الكون رجواها

يالله يا الواحد المعبود

حقق لها العفو وامناها

إبشربه هنيه ونسمة نود

من باب جنتك تلقاها

في يومها الثابت الموعود

من وقفة القلب واخطاها

ويوم الجوارح تصير اشهود

يا رب بالعفو تجزاها

الطاهره والأبو واجدود

هم ساسها وأصل مرباها

وفي عشرة حبلها ممدود

مع نايف أرضته وأرضاها

يا الله يا الواحد المقصود

فالخاتمه تقبل ادعاها

واللي لفوا فالعزاء حشود

دعوا لها إبعفو مولاها

** **

- مطلق بن فيحان الصوينع