ما تموت احلام عمري ولا يقطع رجاي

دام لي حلمٍ كتبته على تالي سطر

ما بقى للود كلمة ولا للعشق راي

وما بقى للجفن غفوات ياليل السهر

طحت من عيني دقايق وشلتك في حشاي

وانتظرك الجفن واللتاع من طوول الصبر

صرت لك شمسٍ على الكون مايكسف سناي

والبلا لا صارت الشمس يحرقها الهجر

ضحكتك عيدي من الوقت ودموعك عزاي

لو بضحكك جاذبية وبدموعك سحر

وامطرت غيمة وصالك على صحرا ضماي

وارتوت ريضان الاضلاع هتان ومطر

كيف بحسب للمسافات وعيونك مداي

لوطعن قلبي هدبها بسكين الغدر

لمني باجمل عبيرك وعطرك وانت جاي

وإن نويت تروح خذني ودوًر لي عذر

يا أرضي اللي تعشق العرس من هيبة سماي

والسماء والأرض قلبين في ليلة عمر!

** **

- محمد العبدالمحسن