الموضوعات الأكثر
سعادة رئيس تحرير الجزيرة الموقر
هذه قصيدة في أخي رحمه الله.. آمل من سعادتكم نشرها في صفحة وفاء
أحمد الرحمن رب العالمين
خالق الإنسان من ماء وطين
ميسرٍ الأمر في دنيا ودين
ماحمد غيره لمكروهٍ سواه
مايلام اللي فجع مثلي فخوه
فاقدٍ من قبل اخوه أمه وابوه
لوأفادي فيه بالفٍ مافدوه
جعل رب العرش يشمله برضاه
لو نسوك الناس منسى يا سعد
وانت دايم كنت لي وجه السعد
ماحصل لي منك في يومٍ نكد
من صغر سنك إلى حد الوفاه
كل ماهميت ابكتب بك شعر
تعجز يديني بشعرٍ أو نثر
بس انا ياخوك مومن بالقدر
وماحصل من دبرة الله وقضاه
الحذر يا خوي مارد القدر
لا كتب شيٍ على احدٍ م البشر
ينفذ امره فيه من عسر ويسر
جل شان الله عالٍ في سماه.
جو معزينا وهم خلقٍ كثير
والحزن فينا صغيرٍ مع كبير
وادري أن الموت هو تالي المصير
بس هذي سنة الله في الحياه.
كل همي كان راكان الصغير
هو صغيرٍ بس يدري وش يصير
يعلم الرحمن وهو بأمري خبير
وش غلا راكان وهو اخر ضناه
قال لي راكان من اليوم انت ابوي
وان كبرت تصير عمي والا اخوي
قلت ياليتي اجي لك مثل اخوي
وانشد اللي من غلا الوالد بكاه
اسمعي مني كلامي يامرام
وبلغي قولي خواتك والعمام
القدر مايمنعه حزن وكلام
وكل مايجري بأمر الله قضاه
احمد الرحمن ربي وأشكره
كل من عزا بخير يذكره
كان هو رجال والا هي مره
من جميع االي لفونا في عزاه
العباد شهود ربي فوق الارض
لو ادور بالوطن طولٍ وعرض
مالقيت من البشر مدين فرض
غير من يمدحه ويكثر في ثناه
** **
- عبدالله بن مهنا المهنا