تقادح بروق وهيّض الخافق وفز

كما فزت السابق سريعاً بمضماره

ادير الفكر ويسير في دربها دز

معاه الفؤاد وتاخذه في مساره

يحرك مشاعرخاطري هزها هز

بمقياس رختر فوق سبعه قراره

يثير الجروح ودم عرقه بها نز

على بالي ان الجرح صعب استثاره

الا يابعد كل العذارى وريث العز

بقايا حنينك مثل بذرًا خضاره

بوسط الخلايا حي ما مات معتز

لأنه أصيل وما تغيّر بداره

وانا بين هذا وذاك رمح الغلا مغتز

بوسط الضلوع الحدب واجرع مراره

ولكن حسمت الأمر لو داخلي ملتز

ابنسى الجروح وبرقها والشراره

بعيدًا عن الشكّات والهمز والخز

مفيد الكلام اللي صحيح العباره

** **

- مقرن بن متعب الهرف