سلام الله على مهد الهدى والدين والإيمان

سلام للمحبين وسعير لمن يعاديها

كساها من بهى الهيبة ملكها العادل الإنسان

تنوف المملكة بين الدول باسمى مباديها

وعزت من معزته وتذرت في ذرى سلمان

بعد رب العباد اللي على الاسلام هاديها

بعزم معزي اللي ردها وأعلى لها البنيان

بليل حالك الظلمه بزغ فجره بواديها

خذاها والعيون تشوف وبحد الحدب شامان

وشامت له بعزتها وهو بالروح يفديها

ينادي الملك للفرد الصمد للواحد الديان

ثم لراعي العوجا تحت لمعة هناديها

تصول العاديات الضبح حتى غطت الميدان

كأنها يوم طل الفجر ترحب في قياديها

تعالى في المدى الله أكبر والعرب شتان

وجمّعهم تحت حكمه حضرها مع بواديها

ولها في جبين المجد تسعين لنا برهان

نجوم في مجرتنا ونبراس يقديها

تصدّر ذروة المجد التليد ويسمع الصقهان

صدى العرضة بيومٍ دام للذكرى يناديها

** **

هيلة القحطاني - شواهق نجد