الموضوعات الأكثر
يا وطنا عاد عيدك يا وطنا
عاد عيدك دوم وايامك رغايد
بالفرح كلٍ تهيا لك وغنا
والامم ترسل مراسيله تعايد
كلنا سلمان بالعرضه تثنى
حامل الرايه على أمجادٍ تلايد
شيخنا للطيب من طيبه وزنا
شيخنا درع العرب وقت الشدايد
من عظيم المجد يزبن من زبنا
ولأجل عينه ما نحـّسب للفقايد
وما درينا لو كذب جاحد زمنا
ولو يسوق الزور شراي الجرايد
ومادرينا عن صغيرٍ وإن تعنا
ومانشوف بدربنا بعض الشرايد
صاحت الأصوات في حبٍ مثنى
يا ولي العهد تزهاك الفرايد
يوم نادوا بالفخر منا ومنا
في سموك درهمت حلو القصايد
زاهي التاريخ بامجاده يهنا
وينصف التاريخ ماضين العوايد
خبروا الأقزام وأوغادٍ تمنى
عن معاني العز بسيوفٍ حدايد
في شموخ المجد حنا بس حنا
لو يموت من الحسد اهل المكايد
** **
- سعود بن محمد العيد