عبدالعزيز بن سعود المتعب - «الجزيرة»:

الشعر الشعبي الوطني مُوثِّق الولاء والوفاء واللحمة الوطنية ووحدة الصف والكلمة وهذا ما تجسّده القصيدتان التاليتان في مقام سيدي خادم الحرمين الشريفين الملك سلمان بن عبدالعزيز آل سعود -أطال الله عمره وأدام عزّه-:

الضعافة ما تنومس ولاتبني بيوت

والردي ما يحصد الا محاصيل الردا

والمراجل ما تجي بالعمايم والبشوت

شفّها قرمٍ ليا احتاجته لبى فدا

والدويني لو تحيزم وجاوب كل صوت

ما قطع جرد الفيافي ولا رد الندا

والعرب تعرف وش الكايدة واللي تفوت

وكل ضايع جهد يزبن على ضايع جدا

والوطن دونه رجالٍ لأجل عزه تموت

كل منهم لا دعا الحرب لباه يحدا

المصايب عندهم كنها صكّة بلوت

ومن نواهم له عشا محتسينه للغدا

ديرةٍ لجّت مأذن سماها بالقنوت

ما يزعزع في ثراها الحصيني لو عدا

علموا من ساج داره بخيط العنكبوت

لا يساومنا على الكايدة يمسي سدا

دارنا ماهي طماعة ولا لعبة كروت

دونها الاجرب يخضّع لها روس العدا

في يمين معرّب الجد عزوة كل نوت

سيدي سلمان نسل الملوك المفتدا

** **

- نايف المطيري