الردي مخبلك يا رجلٍ تعزه

تحشم اللي ما تليق به الحشيمه

لو تبجل فيه وتحاول ترزه

لا رفعته شافك أدنى منه قيمه

ولو تحده للنواميس وتلزه

انحدر للهون ما ذب الخريمه

ولو تمد الطيب له في كل حزه

كل ما قفيت عرضك الشتيمه

الشهامه والمروة ما تهزه

ما معه في منهج العليا عزيمه

كان تبغى العز وعلوم المعزه

لا تقرّب واحدٍ نفسه ذميمه

جنبه واخذ الدروب المجرهزه

وعز نفسك عنه يا مال الغنيمه

** **

- خليل بن هدلان