على دقة اهل السامري دق قلبي لين

احس العرب من خلف الاضلاع يوحونه

يقلب وجع قلبي ولابغي وجعه يبين

ويوجعني دق السامر وتوجع اللحونه

واشوف الدمع مني تساقيه عين وعين

وحالي جريح ويجرح الحال وشلونه

وانا يوم انا ارقص واتمايل يسار يمين

يمايلني اللي بالخفا تنزف طعونه

وتصفيق هالجمهور وتصفير هالباقين

على بالهم في لعبة الطار مجنونه

على ضحكة العالم وتعليلة السالين

ومبروك ياهذ وهذا يهنونه

امثل فرح لكن على مين ولا مين

وحزني يشابه ثوبي الأسود بلونه

** **

- العنود السبيعية