وظّف الشاعر المتميز هلال المطيري روائع كلمات قصائد أغاني البدر الشهيرة في تماه دقيق مع الوحدة العضوية لتسلسل معاني قصيدته المنسابة بعذوبة:

ياسيّد الشعر والشعّار واللّي قراك

من يوم (عطني المحبة) لين (ما أكذب عليك)

تمشي وحنّا ورى جرّة قلمك ووراك

(تعب الطريق) وتعبنا وانت كلٍ يبيك

تشابهوا وإنّسوا غير انت مااحدٍ نساك

(زل الطرب) والليالي كلّها تحتريك

ماتشبه إلا انت والباقين تشبه سواك

حتى ( سكوت الكلام) اللي تبي ينتهيك

بالله بلّغ (مسانا) يسعد الله مساك

وشلون أخذت الرياض (وليلها في يديك)

مازاد بشت الأماره غير (منكب وفاك)

(من طال يحْمَد) وحظ الشعر لاصار فيك

** **

- هلال المطيري