الموضوعات الأكثر
يا من خلق خلقه وزكى نبيه
ونجى كليمه من دعاة الأباطيل
رب السما رب الثرى والثريه
امسير الأفلاك وامدبر الليل
احفظ بحفظك البلاد الابيه
موطن رسول الله ومهبط لجبريل
وعز الشيوخ اللي في صبح وعشيه
تحمي ضيوف الله وتوفي المكاييل
أعدل ملوك الأرض باليعربيه
صفوة بني وايل زحول الرجاجيل
اختصهم ربي لحكم العصيه
مكة وطيبة في حماة الحلاحيل
واللي رمى جند أبرهة في مجيه
يرعى تراب البيت بطيور أبابيل
ربعي هل العوجا سباع البريه
افعولهم تسبق جميع الأقاويل
بأمر الولي يحمونها بالوصيه
كف تشيل البندق وكف تعيل
من صلب أبو تركي مروض عبيه
ومروض بسيفه ملوك ومهابيل
يومه على ظهر الكحيلة منيه
يصرع خصومه للعزا والغرابيل
امعزى اللي تذكره كل هيه
ضرغام مازالت فعوله مواويل
واليوم في حكم اللي باقي بقيه
سلمان اخو نورة علي المناويل
يوم انتخت صنعا بوقت الضحيه
مشا على العايل بحدب مصاقيل
ابن المؤسس والأسامي زكيه
حر وهداته تزيد التهاليل
يتبع خطى جده محمد وليه
ليث ومخلابه يجز المناصيل
امحمد امحمد يقود السريه
فارس سقى شعبه مزون شهاليل
امعزي الثاني فعول وحميه
لولاب سلطان الملوك المشاكيل
يفرس بنابه كل بيضا طريه
ويقلط على صيده ويجني المحاصيل
سقت المدايح والحروف ابجديه
والقاف سلطانه هذيلي من هذيل
من لابت يوم الملاقى ضريه
بالفعل ما هو بالخطب والتماثيل
تشهد لنا مكة مواقف جليه
حنا لها يوم الفزع والتهاويل
وصلاة ربي للموحد صفيه
خاتم رسل ربه رفيع المنازيل
** **
- عبدالعزيز الفهد العجلان