حلم..

وربي حلم..

حلم وتحقق صدق..

من بعد دم وعرق..

حلم من ضي النهار..

وأجمل الوان الشفق..

يا حروف البياض.. في ليالي الورق..

والأماني العراض.. في سواد الحدق..

هذي والله الرياض.. وهذي أجمل ما خلق..

لو رجعنا.. بالسنين.. للزمان اللي سبقنا..

كان مصباحٍ يشع.. بين أسوار الرياض..

لجل ما يضيع المسافر.. لي رجع..

كانت الوحشة قلوب.. وتسكن الظلما الدروب..

والمرض والجوع صرخة.. ما درت عنها الهبوب..

وتشرق شموس اليمامة..

على واحة من نخيل.. وبيت طين..

كنها في طويق شامة.. والا ندبه في الجبين..

من يصدق..؟ إن قلب الصحرا أخضر..

وإن عرق الطين مرمر..

والسراب اللي على رمل الفيافي..

نهرمن ذهب السنابل.. لونه أصفر..

من يصدق..؟ هالمباني والشوارع..

المصانع والمزراع.. وان كل اللي تشوفه..

إنبنى في سنين عمرك.. ما هو أكثر..

لورجعنا.. خطوة يمكن خطوتين..

للزمان اللي سبقنا..

كان مرتنا القوافل..

مثل خيط في ثياب الرمل داكن..

تحمل أفواج الحجيج..

لما كان الخوف عنوان الأماكن..

والمدى ما له صديق..

اقطعوا الرحلة الطويلة..

بكل صبر وكل حيلة..

ورغم ويلات الطريق

كانوا لزمزم عطاشا..

لكعبة البيت العتيق..

من يصدق..؟

إن مليونين مسلم.. طافوا بالبيت الحرام..

وان درب الحج أمن.. والسفر برد وسلام..

وان الاف المآذن.. فكل هالوطن الكبير..

كبرت في يوم واحد.. وعَيَدَت في يوم واحد..

واهتفت من قلب واحد..

كلنا نفس العقيدة.. وكلنا نفس المصير..

وحقنا لو نحتفل.. بيوم ماهوكل يوم..

يوم وحدنا النجوم.. قبل حبات الرمل..

حنا أسسنا بلدنا.. حصن لأجيال بعدنا..

من المدينة للعقير.. من تبوكٍ لي عسير..

كلنا نفس العقيدة.. وكلنا نفس المصير..

حلم.. وربي حلم