الشاعر المعروف منصور البطي أحد أبرز الأسماء في الساحة الشعبية قدّم دواوينه المتميزه منها -هالة الحب- وإصدارات أخرى وفي هذه القصيدة مجاراة لقصيدة شهيرة للشاعر الشيخ نافع ابن فضليه - رحمه الله - أحد خاصة الملك عبدالعزيز بن عبدالرحمن -طيّب الله ثراه- ويهديها لزوجته أم عبدالرحمن هيله بنت صالح بن نافع بن ثامر بن فضليه:

الجديله غرامي ياغرام الجديله

للأصاله ملامح في خيوط الجدايل

هذا تاريخ حبي شفت عيني تخيله

يوم صادفت حظي في ربيع الاصايل

شفت أبيات شعري ابتدت تنحني له

تنحني له محبه.. حروف شعري تخايل

قلبي يبدا يرفرف كل ماجيت اجيله

وتطرب ضلوع صدري عند شوفه تمايل

ربي يسقي نهارٍ فيه صافحت هيله

وابتدت به حياتي وانكسر كل عايل

بنت قرمٍ كريم وراس ناسٍ أصيله

بنت رجلٍ يصنّف من رجالٍ قلايل