حضور مختلف مفعم بالأنفة، والشفافية، والنبل، لشاعرة متمكنة من موهبتها الأصيلة بتوثيق «مضمون القصيدة»:

شاعرة، لكن مـ اهيم ابكل وادي

مالي الا واديٍ واحد! واهيمه

فيه نوري! صار متلحّف سوادي

كيف يبهرك الشعاع! ابلا عتيمه؟

الشّعر! منفاي واحياناً بلادي!

الأكيد اني: حوالينه! مْقيمه

ماني امن اهل الحضور الاعتيادي

لكن اكره (شوفة النفس) الذميمه

انا ذيك اللي قريبه! بـ ابتعادي

انا ذيك اللي! بساطتها عظيمه

انا ذيك الصاخبه! بـ احساس هادي

واضمن! ان اعجل قراراتي/ حكيمه

(آتجدد) بـ أُمنياتي! وابـ مُرادي

بس انا وابكل فخر ابقى (قديمه)

عندي اعدا! كم تمنّوني أعادي

وانا صعب آعادي نفوسٍ سقيمه

من يبي قربي! أمدّ، اله الأيادي

ومن يبي يقفي! ابد ماني خصيمه

كوني (إنسانه) تراه اقوى عَتادي

قوّتي! لا من شعرت اني رحيمه

من كثر ايماني بعظم «المبادي»

ودي ان اسمي مع العربان (شيمه)

** **

الشاعرة/ عيوف