لمع بدر الدجى في عتمة الليل وتقدو به

على نوره سرت شبه الجزيره وابتدت غاره

تقدمها معزيها يوم ان الارض مهيوبه

مأمنها مع اجدادٍ تشوف الخير بـ جواره

وبعد قرن امتداد لـ ما سبق جاء ثامن عجوبه

بزغ فجر الطموح اللي نشوف فـ ضوحه بشاره

هذا محمد شبيهه في مطاليعه وفـ اسلوبه

معه جيل الشباب اللي يراهن به على افكاره

تحدى في عزايمهم وهم مثله تحدوبه

وشبههم بـ قمة طود وهو الطود يختاره

بناء طوبه وقال ابنوا على هذي بعد طوبه

نبي نبلغ سما المجد ولحد تطري له اعذاره

بدا بـ رؤيتْه واصبح واقع الاحلام لـ شعوبه

وصل في ربع عقد بما عزم به نص مشواره

عطانا نيوم من فكره ولبست من فخر ثوبه

وفاقت بالذكاء مدن البسيطه فن واثاره

رسم مستقبل وغيّر خريطة عالم لـ صوبه

بلغ خيره لـ سابع جار ما خصه على داره

بعد ما اعشوشبت أرضه ما وقفّ دون مطلوبه

الين الشرق الاوسط أرضه اخضرّت من اشجاره

صنع، طوّر، حمى بيئة، رعى صحة، ردع شوبه

وعز ارثه من الاسلاف ما رمد حطب ناره

صدق بـ يمينه لـ صدره بعد ما حقق حروبه

تبسّامه يطمنّا قبل ما نسمع اخباره

تصدر قادة العالم وخلاهم على دروبه

وحنا ننتظر رؤية جديدة تنتج انظاره

** **

- شجاع البرّاق