الموضوعات الأكثر
عبدالعزيز بن سعود المتعب
الأخ عايض محمد القحطاني - الرياض:
البيت الذي تسأل عنه وهو:
عبدالعزيز اللّي بشبره ينوفي
اللي جزيلات المعاني حواها
هو للشاعر الكبير شاعر هوازن عبدالرحمن العطاوي، من قصائد مراسلات بيني وبينه رداً على قصيدتي التي مطلعها:
غيري يشوف وعيني تشوف شوفي
ونفسي عيوفٍ عن مناوي سواها
والقصيدتان موثقتان في ديوانه ص 304، 306 وهذه قصيدته كاملة، ومنها البيت الذي تسأل عنه:
يا مرحبا ماسبّلن القنوفي
من مزنةٍ يروي ظما القاع ماها
يا عاشقٍ شفّه يلايم شفوفي
نجيب نجد اللّي رفيعٍ نماها
عبدالعزيز اللّي بشبره ينوفي
اللّي جزيلات المعاني حواها
ما فيه لولا إنه لسرِّي كشوفي
ودّه عن الأسرار يكشف غطاها
أرضيه لو اكسر لشفّه زروفي
اللّي بخزن السر ما احدٍ قراها
النفس عن حلوى عيوف وعصوفي
قلبي وسمها بالصليب ونساها
من حيث يا عبدالعزيز الضعوفي
دايم وغزوي نازحٍ عن حماها
مع ريم نجد وغايتي في الخشوفي
اللّي خَذن قلبك بصافي لماها
هيم الخواصر زاميات الردوفي
سود العيون اللّي بذبحك تباهى
كم علّقن خلٍ وراح امحذوفي
وأنت السبب تفسد على ذا وذاها
ولانيب لك عن كل فارك نكوفي
عليك ذنب اصحاب شيمه وشاها
إلى ارتفعت عن الرمكه النصوفي
مرج الفلا لا قاضبت لك علاها
يطوف بك طير الهوى والطيوفي
لهاك الطموح مطامحة من بغاها
عسى العسيف اللّي تعسر العسوفي
تطيع لك لا أعْيَتْ هذاك بعياها
إلى شعاها من غرامك شعوفي
تكشف عن الشقر المعارف رداها
يا علّ شمسك ما يجيها الكسوفي
ورجلك لشفّكْ ما تقصّر اخطاها