الله من ضيقة فالصدر مكتومه |
والهم له في ضميري عدة سنيني |
أساهر الليل كله وأحب نجومه |
وحالي اللي قضى والهم باريني |
أشوف نفسي من الأحزان موسومه |
علامة الحزن في قلبي وفي عيني |
بأسباب وقتٍ تغير كل مفهومه |
معادله لا نظام ولا قوانيني |
وقت المصالح علانا غطت غيومه |
لا والله ألا حدانا وقته الشيني |
ما عاد نعرف رخوم الوقت وقرومه |
ما عاد أمير صديقي من عدويني |
والصاحب اللي يزين الوقت بقدومه |
بأسباب وقت المصالح صار يجافيني |
أما صديقي تبشر دايم علومه |
لا ضاق صدري يجي عندي يواسيني |
اللي بفعل الجمايل تكثر عزومه |
هذا هو اللي على الدنيا مصافيني |
والدرب واضح وكلٍ يعرف إسلومه |
هذا هو اللي حصل يا فهيميني |
صنيتان فيحان العتيبي |
|
