لا تصد وتكثر أعذار الصدود |
واضح صدك مثل شمس النهار |
كل شيء بالنهاية له حدود |
والصراحة تنهي طوال وقصار |
دام حبك في نزول وفي صعود |
لا تحاول تختفي خلف الستار |
كنت احسب الحب يمشي في صمود |
لين شفته في تصدع وانهيار |
وكان حلمي بالهدايا والورود |
وانتهى في ليل غاشيه السمار |
ليه اعيش بحزن وهموم ولهود |
وطرد اللي ما يلقينا اعتبار |
وليه أذل النفس للشخص الجحود |
ما يصير وقبلنا ما يوم صار |
والمطر والبرق وصوات الرعود |
ما يفيد قلوب فيه الموت سار |
رح بمان الله يكفيني وعود |
انتهينا ما بقى فيه اختيار |
وحب يمشي باقتراحات الحسود |
حب ضايع والنهاية للدمار |
صالح حمد الزيد - بريدة |
|
