غطرفي الشمال لمستهل الخيال |
غيثك اللي رسم مجده بروس السفوح |
عطرك اللي ليا ذعذع هبوب الشمال |
أقبلت طيب نفحاته ومسكه بفوح |
وطئته تنبت الورد في جوف السهال |
وضحكته ترسم البسمه بوجه السموح |
مجدنٍ أعلى من القمة محالٍ يطال |
سيل الدم بعروقك وداوى الجروح |
كنت أول بحال وبعد شوفه بحال |
ارتقيت بعد شوفه لعال الصروح |
درةٍ ما يشابها حلي بالجمال |
نار عزٍ سنها بالدياجي يضوح |
وظللك تحت ظله ما مثيله ظلال |
الطموح الطموح وفاق معنى الطموح |
دب في جوفك صليب الراي وازال الضلال |
والعدل ولع قناديله بجوفك جموح |
هول بحكمته صلابٍ ما تهال |
وشد عزمك بعزمه وردت فيك روح |
لين صرت جنان وكون المستحال |
وغرد الورق طربانٍ بغصنك ينوح |
انتي عرفتي راعي المعروف في وصف يقال؟ |
انتي فطنتي لكل ما قيل بوضوح؟ |
ذاك صقر الشمال اللي على روس الطوال |
عبدالله اللي سرى برقه ينوض ويلوح |
الهيلعي الشجاع وضد ضد الرجال |
مدة يمينه تجمد الدم بعروق الشحوح |
الشاعر / محمد مونس اللميع |
|
