عدنا على الماضي متاهات واحزان |
عدنا لوجدان السنين القديمة |
رواسبٍ تشغل تفاكير الانسان |
لو ما لها في حاضر الوقت قيمه |
حقايق حين أصبحت ماضياً كان |
بدت تحركها الهموم الأليمة |
يسرح بنا الهاجس على ذيك الازمان |
ارث تخلده الجروح الجسيمه |
أحيان ياخذنا الامل لكن احيان |
يصدنا الواقع بلحظة عظيمة |
ليت الأمل ما فارق اهداب الاعيان |
ولا توارى بالليالي العتيمه |
في وضع صعبٍ ما تحدده الالوان |
محتاج دعم أهل القلوب الرحيمه |
لولا الفواد اللي رسخ فيه الايمان |
وازداد بالتقوى بصبر وعزيمه |
ما رجحت أقدامنا ميل الاوزان |
واضحت موازين الزمن مستقيمه |
لله در اللي بقى عالي الشان |
ما هزته حزن السنين العديمه |
أحمد حمدان |
|
