هذه القصيدة في رثاء الدكتور صالح بن عبدالله المالك الأمين لمجلس الشورى |
مرحوم أطلب خالقي رافع البيت |
والجي إليه أساله من فضاله |
يرحمك ربك واحدٍ له توازيت |
يا عم صالح يا ذخر من عناله |
لونها فدا بالأرواح فاديت |
وكلٍ من الويلان يرخص حلاله |
يا ليت تنفع كل واحد بدا ليت |
وكل عنزي يقول روحي فداله |
ويسلم طليق المد نسل الزنانيت |
نسل الشيوخ أهل الشرف والعداله |
لاشك ما ينفع كثير التصاويت |
ولا ينفع الرجال في كل حاله |
لو صاح بعلا الصوت ما يرجع الميت |
لكن الطيب في محله اعياله |
ويبقى اذكار اهل الوفاء ويبقى الصيت |
وبعد رضى المعبود تنفع اعماله |
وفقيدنا محمود ذكره ولا اخطيت |
ان قلت ما ظنيت يوجد مثاله |
مرحوم يا راع الكرم به تباهيت |
الشيخ صالح فيه عز وبساله |
عساه بالجنات للرب ناديت |
أطلب عظيم الشان جلا جلاله |
الواحد اللي لا طلبته ومديت |
يدي وادعي وكل عبدٍ دعاله |
يقبل دعايه خالقي لا تلاجيت |
ومن قلب مخلص أطلبه والرجاله |
الواحد المعبود فيه استعزيت |
الخالق الباري بقلبي اساله |
أبي اطلبه حزت اسجودي ان صليت |
والعبد يطلب خالقه والدعاله |
وجعل الفقيده دوم يلقى التثابيت |
عند الكريم ولا يخيب سواله |
ومن بعدها يا أعيال عمي انا جيت |
لمشاركتكم يا أصحاب الجماله |
يا أولاد مالك نسل وايل هل الصيت |
احسن عزاكم دوم منشي خياله |
يا شيخنا منصور لا قلت ما اخطيت |
انت الفخر والعز راعي رجاله |
ويا صالح ابن حمد بالطيب عديت |
راس المعالي والفخر والجزاله |
ويا محمد الحمد بفعلك تباهيت |
ويا أحمد ابن عبدالله راع النفاله |
وهشام واخوانه لهم يوم عزيت |
عزيت نفسي قبل اعزي اعياله |
ويا اولاد مالك في فخركم تربيت |
من صغر سني يا اصحاب الاصاله |
واختامها مرحوم يا طيب الصيت |
وصلوا على المختار راع الرساله |
|
