ان كان بغبتي فرحة القلب غابت |
وان كان جيتي ببتدي الحلم وأعيد |
الشعر في غيرك قوافيه شابت |
وانتي كتبته فيك جوز وتفاريد |
تدرين حبك داخل القلب نابت |
في داخلي مزهر وغاظن به الغيد |
يا بسمة (غابت) و(عادت) و(جابت) |
الضحكة اللي شتت بي (تناهيد) |
حتى ظنوني ما بعد فيك خابت |
(حلمي) و(حلمك) يحترون (المواعيد) |
ان قال الله صحت يا قلب (صابت) |
وعن الزمن مسحت (وجه التجاعيد) |
وحققت حلم من زمانين ثابت |
رغم القسى عن عهد الأيام ما أحيد |
وأعيد لك فرحه من العام هابت |
بعد الخجل جاتك من الايد للايد |
ترقص لها رموشك وعينيك رابت |
تبي تعايش حلمها دون تحديد |
واقول (طابت).. قلتي اليوم (طابت) |
خلنا نعيش أيامنا كلها (عيد) |
قلت (الليالي).. قلتي اليوم (تابت). |
حلم وتحقق ما بقى به (مواعيد) |
محمد بن فرزان |
|
