إلهام الأنف شرها أو تقاها |
غيبٍ لمن سواه محفوظ باللوح |
الهم فجوره والتقى وابتلاها |
وقال اعملي يا نفس والسر مفضوح |
والفايز اللي ردها عن هواها |
لو قل زاده واكتسى ثوب شرشوح |
فرايض الله ما تركها ونساها |
للرحم واصل ما شترط فيه مصلوح |
وحقوق خلق الله بعدلٍ عطاها |
والضيف يلقى القلب والباب مفتوح |
ماهوب مثل اللي بنفسه تباها |
تغريه بالأوهام تبني له صروح |
أوامر الخالق عصاها لسواها |
اعمى بصيره بالمحابيل مطروح |
اغتر بالدنيا وبدينه شراها |
ونهاية المغرور طبعة ولد نوح |
يا رب تجمعني واحبابي بطاها |
يشفع لنا يوم الخلايق لها نوح |
سالم بن محمد السالم - بريدة |
|
