الوسم يا حمدان قرّب حسابه |
والليل قام يطول واستبرد الليل |
واقفى نظام الصيف واقفت ركابه |
والجار عند الجار يبغى التعاليل |
في مجلس لضيف مفتوح بابه |
ثابت سوات الجدي واليا بدا اسهيل |
راع الولع قام يتفقد زهابه |
تالي نهار ورحل الهم ترحيل |
ممشى طرب هذا السوال وجوابه |
سوالف أعلام ومجالس رجاجيل |
اترجع الشايب لزهرة شبابه |
وتطري على باله علوم وتماثيل |
ساعة زمن مرت مرور السحابه |
ما فيه تعديل ولا فيه تبديل |
كلّ من أهل البل ذوده مشابه |
وكثر المزايد في ليال المحاويل |
من بينهم بالطيب قدر ومهابه |
ودايم غناة النفس هيل بلا كيل |
نشا سحاب الخير يا مرحبابه |
واستبشرت كل المخاليق بالسيل |
حتى الطيور ابكل وادي وغابه |
من الطرب قامت تجر المواويل |
والروض عقب السيل زانت ثيابه |
كنه عليه الزل جملة وتفصيل |
صالح بن عبدالرحمن الناصر- الزلفي |
|
