الحمد للي عم الأوطان بالسيل |
الشكر للي ما خضعنا لغيره |
سقى الوطن من وبل مزن مقابيل |
واستبشرت بالخير كل الجزيره |
مزن من المنشا يصب الهماليل |
جابه هواء الغربي وشرقٍ مسيره |
والشرق هبت واستوى بالمنازيل |
ريح المطر كن الشمطري عبيره |
أمر الولي ما فيه دونه مراسيل |
كل الصعايب في يدينه يسيره |
الشمس سبع أيام فوق المخاييل |
شعاعها ما بان في كل ديره |
سيل على سيل مزونه مضاليل |
كنك تشوف الليل وقت الظهيره |
والليل تقل مولع بالقناديل |
لا لاح براق المزون المثيره |
كن الصباح يشع في داخل الليل |
مزنٍ تعانق والهبايب تديره |
رحمه من اللي بدل الأرض تبديل |
بعد التعري والدهر مستنيره |
وصلوا على محمد رفيع المنازيل |
اللي نشر للدين ربه نصيره |
عد النبات اللي من زهور وإكليل |
وإعداد ما هلت سيول غزيره |
|
