في رثاء الشاعر الكبير فيصل الرياحي رحمه الله
|
فريج راح وراح فيصل وعاضه |
ما عد بعض القوم واترك بعضها |
ويبقى (المعنى) حق وجهه بياضه |
خريمته بانت وكل لحظها |
والموت عد واردين حياضه |
بحوادث الأقدار وإلا مرضها |
ولا أحد على الدنيا على حد راضه |
اللي مشاها مشي واللي ركضها |
وحنا بخير ولا علينا غضاضه |
وروس فقدناها على الله عوضها |
الشعر فينا مزهرات فياضه |
تلقى به العرّاف غاية غرضها |
الشعر لظهور السواني رياضه |
والابو لاغنبها ابنه حفظها |
هذا (طريخم) وسط ندوة عكاظه |
(والمنتظر) مد اليمين ونهضها |
وجيل جديد بحر الأشعار خاضه |
أخذ تراثه والحداثة رفضها |
والملعبه لا صار فيها امتعاضه |
هذاك يبرمها، والآخر نقضها |
ما يوم شاعرنا شعر بانتفاضه |
لو تطرح الجمره بكفه قبضها |
واليوم لعبره بعيني مضاضه |
(فيصل) رحل والحزن بعده فرضها |
وموت العلم تذكير لأهل الغلاظه |
وجوده اسكتها وموته وعظها |
يقوله اللي ما بقوله فظاظه |
قصيدته حل المجال وعرضها |
خالد البقمي |
|
