رثاء في الفقيد الشاعر/ فيصل بن منصور الرياحي رحمه الله.
|
بديت بسم الله البادي وأقول الأمر لله |
ما لي سوى الصبر حيث انه يضمد لي جراحي |
ذي فاجعه والله إنه فاجعة حلت مفاجاه |
في مبتدا يومنا بالسبت في وقت الصباح |
سمعت أنا العلم بالجوال يزهمني مناجاه |
علم فجعني على قلبي كما السم الذحاحي |
قلت الخبر قال لي حادث ببن عمك سمعناه |
ضحيته فيصل الشيخ بن منصور الرياحي |
جاني خبر موت فيصل مير مدري كيف أبقواه |
فيصل مثال الرجال المخلصين أهل الفلاحي |
الشاعر العاقل المحبوب بالحكمة عرفناه |
له سيرة الخير بالمنشا وفي درب الصلاحي |
تبكي عليه البقوم وساحة أهل الشعر تنعاه |
والشعر كله مع الشعار في كل النواحي |
كل البقوم القريبة والبعيدة بالمعاناه |
في ساعة ودعوه القبر باح السد باحي |
مرحوم مرحوم يا شيخ عن المنصب فقدناه |
عساه في جنة الفردوس فرحة وانشراحي |
حيل الله أقوى وحنا يالبقوم اللي خسرناه |
نجم منور علينا طاح يا كبر الطياحي |
ودي أعزي ولكن العزا لي وين أبلقاه |
الله يعين الجميع بذارف الدمع المباحي |
لكن نقول العزا في بدر واخوانه لقيناه |
أبناء فيصل على درب المروة والسماحي |
فيصل كسب من جميع الناس تقديره بدنياه |
حسن العمل في فسيح القبر زاده يوم راحي |
صالح بن محمد العميم البقمي - عنيزة |
|
