رجانا في إله حي واحد دايم قيوم |
له الدنيا ولإخرى كل ما بالكون ملك له |
يدبر ما يشى في ما يشى بأمره دوام الدوم |
بكاف اونون ما راده يكون الأمر طوع له |
هو الواحد هو الفرد الصمد ما عنه تخفى علوم |
يفهم من يشى بعلوم وعلم الغيب علمٍ له |
هو الشافي هو الكافي هو اللي يقسم المقسوم |
جميع الأمن والصحه مع الأرزاق قسم له |
أساله لبو تركي جنه ما به نصب وهموم |
مقيم الشرع وموحد قبايلها على المله |
غدت بعد الجهل والتفرقه دوله لها مرسوم |
موحد بسم قايدها وكل الشعب في ظله |
واساله ياخذ بيد حسن الأرياء فزعة المظيوم |
محاور للدول بسم التراحم للبشر كله |
وبظهر الغيب أساله باخر الهجعه هجرت النوم |
لبو خالد باسم الله الأعظم يجي شافٍ له |
ولي العهد عضد الصارم البتار اليا جى الحوم |
بيوم من وطيسه ذا قتيل وذاك به خله |
وأساله يقصم الظالم وينصر حربة المظلوم |
فلسطين الجريحه ينقذه من ظلم محتله |
يهيئ له صلاح الدين ثاني يفرح المكلوم |
بتوحيد الصفوف وشلها من بورة الذله |
وصلاة الله على خير الملا نبينا المعصوم |
شفيع الخلق بيوم مذهل من كبر هول له |
صالح بن عبدالعزيز الرميان - القصيم - بريدة |
|
