سلامتك يا سيد الجود سلطان |
يا سيدي دامت عليك العوافي |
ولي عهد المملكة طير حوران |
نفرح ليا شفناك قمت متعافي |
الشعب يدعي لك شيوخٍ وشبان |
ليل ونهار وفالجهر والخوافي |
يابو اليتيم وراعي البر وحسان |
يا طيبٍ بالطيب والجود وافي |
مدات كفك كنها وبل الا مزان |
اللي تباشر به فجوج الفيافي |
تضرب بك الأمثال في كل ميدان |
أنت الشهامة والكرم والعفافي |
بشوش متواضع للأقصين وأخوان |
ربيع من جالك من البعد لافي |
ألطف من الغربي ليا هز الأغصان |
أمضى من حدود السيوف الرهافي |
ياكثر ما تنفق وتعطي على شأن |
أهل الجوايح والعز والضعافي |
وياكثر من يغليك في كل الأوطان |
عسى المرض لا عاد والله يكافي |
يا قل مثلك يا سلايل كحيلان |
وتعجز عن أفعالك بحور القوافي |
تسلم يابو خالد على مر الأزمان |
وترجع لنا طيب بخير متعافي |
وصلاة ربي على النبي نسل عدنان |
عداد من زار الحرم ثم طافي |
حجب بن ردن العصيمي |
|
