الضمير الحي مع شوشة الطيب يشوش |
يا ضميري غد الافكار والا عشها |
جت لك الافكار تزحف مثل زحف الجيوش |
في ظلام الليل يوم الطيور ابعشها |
يكثر التفكير ودخل بغابات الوحوش |
وتحمس واخذ عمامتي وطشها |
ونفعل بالحيل ودعي على الخايب وهوش |
وتراجع مار تبقى الكبود ابغشها |
الله اكبر كم قلبٍ من الوقت امغشوش |
ذيك ما تمشي وهذي تغاض ومشها |
المغفل شاف نفسه على شان القروش |
وكم نفسٍ تنتفخ والزمان يفشها |
اليمين القاصره بالمواقف وش تحوش |
غير كلمه واحده والكلاب نهشها |
تنقل الاخبار عبر الروادي والدشوش |
استلم وجهة نظر والمعرفه حشها |
دام لا يمنن نديه ولا وجهن بشوش |
استفد لك فايده دق الارض ورشها |
صالح بن عبد الرحمن الصالح الناصر- الزلفي |
|
