مرثية بالجار العزيز: حامي مطلق البدراني (رحمه الله)
|
الموت حق ولا عن الحق مجناب |
سنّه وفكر بالنبي والصحابه |
والدمع لو ينفع على غالي غاب |
يا بعضهم ليجف دمعه صوابه |
وكل ليامنه فقد غالي انصاب |
لآكان ما كل المصايب تشابه |
يا دار وين اللي لهم يفتح الباب |
اللي مشرع للمساير بابه |
له مجلس يدله به اصحاب واجناب |
راعيه به ثنتين طيب وحبابه |
جيران بيته كلهم عنده أحباب |
ما خص بالجيرة ربوع وقرابه |
فيه الكرم والدين وأنواع الآداب |
لضعوف جيرانه ليان جنابه |
وبالصف الأول لا رقد كل هذاب |
ثم انفهق للشيخ يقرأ كتابه |
عساه بالميزان وأيضا له حجاب |
لا من كل قام يفتش زهابه |
روح به اللي مهنته شيل الأصحاب |
ما فيه طب إن كان نوخ ركابه |
وعسى البقا باللي لهم نحسب حساب |
اللي بهم نفس المزايا تشابه |
اللي من الشايب بهم طبع جذاب |
وموصلين من خوالن ذيابه |
الله يحسن عاقبة كل من غاب |
وعند الولي بعد الأجل واقترابه |
وصلوا على اللي وضح الدين بكتاب |
ووضح مفاهيمه ووضح كتابه |
بنيدر بدر البدراني |
|
