تبي بعض الذي عندي، ولا تسأل عن الأسباب |
لو أن البعض رغم الصمت ما يجهلك تدري به |
أنا لا من نويت ادخل.. دخلت من أوسع الأبواب |
تركت السور والشباك للي نظرته خيبه |
أنا أحب الهدف واضح وأواجه واكره الكذاب |
واساير من يحب اللعب لين اكشف اساليبه |
أنا للرايع الرايع سحاب.. وللعدو حراب |
بعين أهل الوفا جنة.. بعين الخاين مصيبه |
مادام ان غايتي.. حاجة عظيمة.. حالف ما اهاب |
ولا امشي في طريق خبرت الرجلين تمشي به |
كرهت الحب.. تدري ليه؟ لأن الحب صار اسهاب |
جميع الناس تصبح به.. وكل الناس تمسي به |
وصار الحب في غربه.. لأن العاشقين اغراب |
الا وش ينبغي بالحب لا من غابت الهيبه |
|
