يالله ياللي تصرف الكون تصريف |
في قدرتك تجمع رميم العظامي |
يا مخرجٍ يونس من الجم لسيف |
من وسط غبات الثلاث الظلامي |
تشفي لنا اللي شوفته دوم تشريف |
الله يردك يا بعيد المرامي |
درع الوطن سلطان ولشعبه مريف |
تسهر عيونه للوطن ما ينامي |
قالوا ترقد قلت يالله يا لطيف |
جعله طهور ولا تجيه اللأمي |
تكتمت أخبار ولهنا سواليف |
وأندور الأخبار عبر الاعلامي |
وجانا الخبر فرح قلوبٍ ملاهيف |
يوم أعلن الديوان ذاك الكلامي |
أنه طلع وبخير راع المعاريف |
جسمه سليم وكل شي تمامي |
وتباشروا الشعب عبر الهواتيف |
وبثوا فرحهم بالصحف والاعلامي |
الله يفكه من جميع الصواديف |
وترجع علينا يأبوخالد اشمامي |
يا سيدي يا راعي الطيب والسيف |
يالحر يالزيزوم نسل الكرامي |
عضيد أبومتعب بكل التكاليف |
متى تجينا يا عزيز المقامي |
حنا على شوفك مثل مضمي الصيف |
أفكارنا وقلوبنا لك ضوامي |
حنا معك لو كنت ترقد ورى جنيف |
بقلوبنا نقوم والا ننامي |
يأبو اليتامى والصغار المضاعيف |
ياللي على المحتاج غيثٍ طمامي |
وياللي عن المرضى دفعت المصاريف |
يا معتق الأرقاب وقت الزحامي |
كل المعاهد من معاق ومكافيف |
دايم دعم سلطان هو الأمامي |
كريم متواضع وفي طيبه منيف |
شجيع حلحيلٍ يقص العظامي |
غالي عبدالله الركابي - محافظة الأحساء |
|
