هذه القصيدة بمناسبة هطول الأمطار على منطقة حائل وكذلك مشاركة وتفاعلاً مع موقف إنقاذ المرأة التي كادت أن تغرق في سيول حائل لولا فضل الله تعالى ثم شجاعة البطل الذي أنقذها من الغرق..
|
سقا الله سحاب فوق حايل مخايله |
سرى الليل وعيوني سهيره تخايله |
تخايل بروقه في دجى الليل عيني |
وزلازل رعوده في جبل طي هايله |
يهل العباير من مقادم مزونه |
عروس الشمال أمست اتنقض جدايله |
تمسي وهي متبختره لابتسامته |
وتصبح ودمعتها على الخد سايله |
دار الوفاء والجود والبذل والصخا |
أهل اليدين اللي بالأمجاد طايله |
وقفاتهم وأفعالهم حاتميه |
وبرق الحيا تتبع تواليه أوايله |
وادي مشار أمست تقانب اشعابته |
واصبح زبد سيله مغطي خمايله |
وجات المواقف للنشامى تنادي |
والشمس كانت للغروب متمايله |
والصايحه سيل الجبل حال دونها |
وفزعلها اللي ماضيات فعاليه |
غرقت ولولا الله تعالى ندبلها |
النادر اللي كاملات خصايله |
والطيب لو هو بالحيل والمحايل |
إن كان كل محايلياً تحايله |
الطيب يبقى عند الأجواد ذكره |
والا ترى صيور دنياك زايله |
نجد المسمى لد عينه مع الورى |
للبرق ورعود الشمال وقبايله |
علمي لاهل برزان من صادق الغلا |
فالحلق يقرع بس ما نيب قايله |
محمد القسامي |
|
