يا سيدي عشنا بفرحة سلامتك |
وبان الفرح بوجيه كل الحمايل |
كلن تمنى يا أبيض الوجه شوفتك |
تحيا وتحيا بك شعوب وقبايل |
انتابع أخبارك على طول رحلتك |
لحظة بلحظة ما ندور بدايل |
تهمنا بالحيل يابوي صحتك |
ليا طبت طبنا واعتدل كل مايل |
الله لنا يحفظك ويديم عزتك |
ياللي لصعبات المواجيب شايل |
قصر اليمامه يشتكي طول غيبتك |
مشتاق لك شوق البدو للمخايل |
يا سيدي للخير سخرت قوتك |
وسهلت للعالم جميع الوسايل |
للمجد والنوماس تصعد بهمتك |
بنيت لك صرحن طويلن وهايل |
وانت الذي تمسح بكفك وغترتك |
دمع اليتيم اللي على الخد سايل |
يا رب أنا طالبك عطفك ورحمتك |
بمعزبي سلطان واف الخصايل |
سلطان ما مثله خلق في بريتك |
سلطان راع الجود راع الجمايل |
حنا ترانا ننتظر يوم عودتك |
وعنك المرض والشر يامير زايل |
النايب الثاني تشرف بصحبتك |
وعن صحتك يرسل لشعبك رسايل |
وامير نجد اللي على طول سفرتك |
عضدك على جنبك على كل عايل |
دايم وهو واقف على باب غرفتك |
ما حط أحد دونك ولا حال حايل |
أمسخرن وقته وفكره لخدمتك |
أبوفهد حلال صعب المسايل |
استاذنك يا سيدي في زيارتك |
واجب ولو نمشي بليا دلايل |
نواف بن فيحان بن هذال بن فهيد |
|
