شعر: فراج بن ضيدان بن محمد بن مطر أبوثنين
|
يالله يا ربي عليك اتكالي |
انك تعين اللي نوى يبدع القاف |
قافٍ نويت اقنده من دلالي |
واسوق فنجاله على نسل الاشراف |
وزودٍ على الفنجال دمي ومالي |
للي بعرفه حاوي كل الاعراف |
اللي شهر بالفعل في راس عالي |
سلمان سلمان الصخى نادر اوصاف |
أمير نجد وعزها والظلالي |
اللي رقا مرقاً صعيبٍ وينشاف |
يا سيدي عندي كلام ويقالي |
في كل هجره والمدينه والارياف |
من غيبتك لليوم كل شي زالي |
جفت ينابيع المزارع والاسياف |
يا خو فهد باقولها ولا ابالي |
ما دام راسك حي والله ما خاف |
يابن الامام اللي حكم بالعدالي |
واسس قواعدها على شرع الانصاف |
وختامها صلوا عدد غصن مالي |
على النبي واعداد منهو سعا وطاف |
|
