إحملي يا حمام الوصل لاجله سلام |
واقطفي من حدايق سلوته لي زهور |
كود ريحه لقلبي ينفعه من هيام |
وينفع الروح ريحه يوم طيفه يزور |
بلغيها بلهفة من بكاء له وهام |
وارتوى رمل ياسه من دموعه بحور |
يسري الليل هاجس والمدامع علام |
فوق خد المشقى من فراقه حدود |
يتعذر لشوفه والخلايق نيام |
لنبلج فجر يومه عقب ياسه نذور |
قل له انه بصدري باني له خيام |
كل يوم بدمعي ساقي له جذور |
لاخضر الغصن عوّد من صدوده حطام |
وكل مزهر بورده يقطفه في صدور |
احمل طعون قلبي يدركه من سقام |
ليش لقبل لشوفه يمنعه من حضور |
وان تعذر علاجه عودي يا حمام |
وارفعي صوت حزني قبل موتي ثبور |
|
