لله درك يا البطل يا ابن الأبطال |
الفارس اللي جاب كأس البطولة |
ما هي غريبة صرت في كل الأحوال |
تبحث عن انجازات ولازم تطولة |
اصرار.. عزم.. رجولة لو هي جبال |
تصعب على غيرك.. وبيدك حلوله |
عشقت خيلك لين صارت بالأمثال |
تضرب لكل الناس.. جولة بجولة |
دايم مع الصعبات والجدّ تختال |
تتسيد الميدان عرضه وطوله |
أنت البطل.. والحق لابد ينقال |
عبدالله الفارس.. وهذي أصوله |
دامك ولد متعب والجد مدهال |
فأنت البطل دايمٍ وكلٍ يقوله |
حققت ب(الله جابك) وطيب الفال |
نعم الجواد.. وما يعرف السهولة |
انجاز صعب.. وأنت من صلب رجال |
تجيب صعباتك.. بطولة.. بطولة |
يشهد لك العالم يا ولد الأبطال |
وبكل الأماكن.. لك صولة وجولة |
شرفتنا بانجاز به كل الأشكال |
ورفعت رأسك فوق مليون دولة |
لله درك يا البطل يا ابن الأبطال |
عبدالله اللي جاب كأس البطولة |
|
