يا صاحبي من لا يصفي شريطه |
مع البشر تكثر عليه الشتايم |
أخذ الكلام إنكان عقلك يحيطه |
هرجٍ يصحي له عقولٍ نوايم |
إنكان تزعلك الأمور البسيطه |
وش حيلتك عند الأمور العظايم |
لا صار ما عندك جنوبٍ نشيطه |
ولنتب على ظني قوي العزايم |
الله يا وسع المملكة من خريطه |
فيها الفجوج الواسعة والغنايم |
سج الركايب في ربوع البسيطه |
والبعد طبٍ للمجاريح دايم |
والجرح خله للزمان ويخيطه |
الا الكرامة جرحها ما يلايم |
وإن صرت ما تملك يمينٍ سليطه |
من دون حقك عيش عيشة بهايم |
هذا الكلام إنكان عقلك يحيطه |
هرجٍ يصحي له عقولٍ نوايم |
والمعرفة بحرٍ عميقٍ محيطه |
ولا يدرك أعماق البحر كل عايم |
سعود محمد عبدالله السهلي |
|
