ما ألوم المحاجر لا امتلت من دموع العين |
هذا الدمع مال.. العين عذرٍ على كنّه |
هذا الدمع في شيخٍ رحل من شيوخ الدين |
تفوح الصدور.. وتلحق الونه/ الونه |
ولا نعترض على القدر شين والا زين |
يا ربي لك الحمد.. ويا ربي لك المنه! |
وصلنا الخبر.. يا ناشرين الخبر هالحين |
(جميع المواقع والقنوات).. جابنّه |
مصابٍ عظيم.. ووالله انا ما بين وبين |
الا واهني.. اللي عظامه يشيلنّه |
على فقد ابن جبرين مستوحش الاثنين |
يمرنّه.. أيام السنه.. وايتعدنّه! |
أنا وين واللي ينقلون السوالف وين |
وأنا ضلوع صدري كلبوهن لهن حنّه |
حياته ل(دينه) ما تسّلا مع السالين |
من أول شبابه لين شاخ وكبر سنّه |
تعب ما حسب ويش التعب فالقسا واللين |
ظروف المرض تالي سنينه ما ردّنه |
لعل العوض في شيخنا: شيوخنا الباقين |
وعسى الله يثبتهم على الشرع والسنه |
وأنا آرفع يديني وادي الله واقول آمين |
برحمتك لا ب..أعماله، وما بدر منّه |
يا ربي تجاوز عنه يوم النهار الشين |
وطهره من كل الخطايا.. واعف عنه |
وأظلّه بظلك واغفر ل.. عبدك المسكين |
نهارٍ عليه آشد من لاهب الكنه |
الاعمار مثل الدين.. لكن دين سنين |
سيوف المنايا.. عند الآجال منسنّه |
عسى الله يقبل عنده الشيخ ابن جبرين |
وعسى الله يجمعنا معه داخل الجنه |
مشعان البراق |
|
