في مملكتنا الحبيبة .. يوجد أفضل المصايف التي تجذب بجمالها الطبيعي ومناظرها الخلابة المصطافين من جميع أقطاب المعمورة .. فقد بذلت حكومة مولاي خادم الحرمين الشريفين كل الجهود لتحسين هذه المصايف .. شعراء الوطن تحدثوا عن هذه المصايف ولياليها الجميلة ..
|
إليكم مقتطفات مما قاله بعض شعراء الوطن عن مصايفنا الجميلة..
|
- شاعر المصيف الشاعر الكبير محمد سعيد الذويبي يقول من قصيدة:
|
يا مرحبا سواح واغراب واقراب |
كلٍ يهني بالسعاده زميله |
في جنة الطايف تهنو بالاطياب |
اللي تصاعد من زهور الخميله |
ارض عليها وابل الصيف سكاب |
مره خفيف ومره يسيل سيله |
- أما شاعر الوطن الشاعر الكبير خلف بن هذال فيقول:
|
ثلج على السوده نهار من الصيف |
كنه يكسر فيه سكر نباتي |
لثيت في ذيك الطوال المشاريف |
والذ واحلا لحظةٍ في حياتي |
- ومن قصيدة للشاعر خالد سالم الحارثي نختار منها أبياتاً يحدد فيها بعض الأماكن التي تستقطب السياح حيث يقول:
|
ياللي تدور للسياحه في ربوع بلادنا |
فالطايف احلى صيف لو تسمع بجده غير غير |
نرجع الى التاريخ ونسوي سوات اجدادنا |
كان المصيف اللي يجي فيه الكبير مع الصغير |
كنا ولا زلنا نراه اجمل لملي أوقاتنا |
فعلاً هو اللي باهتمام الكل والسايح جدير |
مصيف دولتنا من السابق ورث احفادنا |
قروي. مع المثناه والردف. وليه. والغدير |
وسمنان وسمينين والحدبان في مرواحنا |
يم الشفا المعروف بالغابات وانواع الشجير |
غير الهدى والورد والريحان في معوادنا |
النقبه الحمراء مع البستان والعاب الحكير |
- ومن قصيدة للشاعر بخيت الجهني نختار منها قوله:
|
الطائف احلى ما تميز به الكون |
جو ومناظر وابتهاج وسكينه |
في وصفها استروي من الشعر وامون |
ومن عطرها قلوب القصايد رهينه |
|
كن الزهر فيها مجالس وكانون |
والورد منها صافحتنا ايدينه |
وكن الشوارع ضحكت اطفال يجرون |
معهم حصاد الأرض تمره وتينه |
وكن المساء فيها من الصبح مفتون |
وكن الصباح انسان يضوي جبينه |
عن شمسها نبت الشجر ظل وغصون |
والبرد نبض من الدفا موقدينه |
- ومن قصيدة للشاعر ضاوي العصيمي نختار منها قوله:
|
السياحه في وطنا يا مدور للسياحه |
تحت ظل الامن والجو الربيعي والطبيعه |
في وطنا بين اهلنا ننعم بفسحه وراحه |
من ورود الطائف المأنوس حتى أبها البديعه |
ما تضيق ابنا الحدود ولا تضيق ابنا المساحه |
لو تضاعف نسبة السواح ديرتنا وسيعه |
التقدم حل فيها والبسها وشاحه |
والحضاره خيمت فيها ونهضتنا سريعه |
في روابيها النسيم تعطر الزاير رياحه |
والسحاب يصافح جبال السراوات الرفيعه |
متعة الزاير وبهجة صدره وسر انشراحه |
في مصايف مملكتنا الغاليه نبع الشريعه |
- ومن قصيدة للشاعر عويد المطرفي نختار قوله:
|
مصيف المملكه طول الزمن تضرب به الامثال |
مربع للجمال وقصة بالفجر نرويها |
بلاد الورد والريحان والكادي يطيب الفال |
مدينه حالمه ما فالبلد دره تحاليها |
حباها الله بالجو العليل وزاهي الاشكال |
ليا جتها النفوس المتعبه تقدر تداويها |
بها طيب .. وبها مجد وكرم وصدق وشموخ رجال |
قصيده خالده يحتار كاتبها وقاريها |
أتمنى للمصطافين صيفاً جميلاً في مصائفنا الجميلة ... ولكم تحياتي،،،
|
زهران عون الله المطيري - بريدة |
|
