يجف شريان القلم ما لحق فيك |
بعض الوصوف النادرة والمزايا |
ينزف على صدر الورق جرح مغليك |
يكتب غلاك ويعترف بالخطايا |
حرف صدق لك بالغلا كيف يرويك |
كل الحروف اللي بوصفك عرايا |
تصعب على من يوصفك كيف يحكيك |
تعجز بوصفك لو حكتك الروايا |
ويصعب على قلب يحبك وهاويك |
يلقا بدالك في جميع البرايا |
انته عديل الروح ما احد يساويك |
في خافقي حبك مسوي سوايا |
وانا عشقت اجنون حبك وباغيك |
يا غايتي من بين بيض الصبايا |
متى يقوم الحظ لي والتقي فيك |
ما دام حبي صادق بالنوايا |
الهاب بدر البلي |
|
