الشعر طاب ولاق في مستواها |
الله يجفا يا عرب من جفاها |
لو غابت الذكرى ليالي من الزمن |
أذكر بهاها ويتجدد غلاها |
تجر ذعذاع الهواء في جديدها |
وتلفح بمجدولٍ ظليلٍ كساها |
وتطرق بسودٍ فوق الاوجان ضافيه |
على وجنةٍ يجهرك ساطع سناها |
ألا يا جميل القد يا راعي البها |
يحماك رب الكون حامي حماها |
انتي مثل بدرٍ ينور على الملا |
ديره بليا نور نوره كفاها |
لعل نجد اللي سكنتي مشارفه |
يفوح نبت ارضه وتمطر سماها |
ولعل قصرٍ مسكنك تحت قبته |
دامت اركونه ما تغير ابناها |
حيثه ملاذ الجار والضيف والخوي |
والعاني اللي شاكي من شقاها |
سلام يا بنت الشيوخ الأماجد |
اللي تذري من نصاها وجاها |
يوم الزمان اللي تقافت ظلايمه |
امجادهم تاريخهم ما نساها |
امجادهم كالنور في ليلة الدجا |
وأفعالهم عند القبائل صداها |
محمد بن زبن شالح |
|
