الله من اقلوب شفوقه لسلطان |
والله من عيون الشوفه رفيفه |
ترف للغايب تباشير الأعيان |
اللي تبشر بالوليف الوليفه |
ويا نجد لا ناديت لوح بالاردان |
وشل عرضة العارض ورمحه وسيفه |
وهات القصيد اللي ينادي كحيلان |
يم الرياض وشوف وادي حنيفه |
ثم قل كل الشعب يا أمير فرحان |
من الساحل الغربي إلى شرق سيفه |
ومن الشمال إلى تهامه ونجران |
شوفتك يا سلطان عيده وريفه |
ليلة وصولك تذبح اجزال وسمان |
وكل جعل في ساحة البيت ضيفه |
من فرحة بالقائد الفذ الإنسان |
اللي ملك كل القلوب النظيفه |
باخلاقه الحسنة ومدات الإحسان |
من اليمين اللي البذله عسيفه |
والله من يوم اليا جاه بحلان |
يشيل عنه احموله اللي كليفه |
في كل باب اتشوف سلطان عنوان |
للخير واعلى المجد دائم حليفه |
دايم وهو ثابت على نهج الاركان |
واعماله الجزلات باعلى السقيفه |
مطلق بن فيحان الصوينع |
|
