ليل ومطر وهموم ومفارقة خل |
وبرد شمال وحال ما من صمايل |
ليلة فراق وجرح الأحباب معتل |
ياشينها عقب الغلا والدلايل |
اقفوا وانا ما عاد عندي ولا حل |
جداي أخيل البرق واذرف هماليل |
دمع يسيل من المحاجر وينهل |
سيله تربع به جميع القبايل |
دمع غشينه يسقي الارض ويعل |
وتشبع على دربه عراض الشمايل |
والحال من فرقا الحبايب مغربل |
يا الله دخيلك يا كريم الجمايل |
وين الرجاء يا ناعس الطرف الاكحل |
ارجع ترى عقبك حياتي هوايل |
ارجع وعالج من بحبك تبهذل |
وشاف الهوايل والنجوم القوايل |
فواز الديري |
|
