يا سيدي سلطان سالم وماجور |
ماجور يا درع البلاد وحجاها |
عضيد ابو متعب ذرا الدار والسور |
يا سور بلاد النور مذري ذراها |
جعله طهور من الولي منزل النور |
نرجي من الخلاق يكتب جزاها |
الله يعيدك طيب الحال مسرور |
يا عز شعب المملكة وقصراها |
يا طول صبر الشعب في عدة شهور |
غيبة ولي العهد ماطول بطاها |
من عامنا الماضي على وقت عاشور |
واليوم عشر شهور من مبتداها |
بحسناك يالخلاق يا مرسي الطور |
حقق طلب شعب البلاد ونداها |
احفظ لنا سلطان من كل عاثور |
واحفظ رجال المملكة وومراها |
ترثت معزي متعب السيف والكور |
اكبر دولة بالجزيرة بناها |
على الكتاب وسنّة الهدي دستور |
اسس قواعدها على كتاب طاها |
على المحجة ثبت الحق صيور |
وساروا عياله بكل خطوه خطاها |
يا نجد صبرك والفرج حان له دور |
بشاير الافراح ذعذع هواها |
سلمان صار لعودته علم مشهور |
الضيغمي زيزوم نجد وقراها |
زيزومها بالعدل والجود والشور |
حلال صعبات القضايا دواها |
خطل اليمين وملتجي كل مقهور |
ليا كبرت الفالات عنده قضاها |
يلجا به المطهود وللحق مامور |
ومشرع البيبان اللي نصاها |
ينهي جحافيل القضايا على الفور |
ومنصى شيوخ الانجدي منتهاها |
تمت وصلى الله على سيد النور |
شفيع الامه عند ربه قداها |
سعد هذيل الفريدي |
|
